NFPE TIRUNELVELI

இன்று பணிநிறைவு பெறுகின்ற முன்னாள் பாளையம்கோட்டை கிளையின் செயலர் தோழர் M .அந்தோணி சாமி அவர்களை வாழ்த்துகிறோம் .வணங்குகிறோம் !

அண்ணன் அந்தோணி சாமி வாழ்க !
அல்லல்பட்ட ஊழியர்களின் -அத்தியாவசிய 
தேவையை சுமந்து வந்த தோணி 
எங்கள் அண்ணன் அந்தோணி !
தோழனாகவும் தோள்கொடுத்தாய் !
அண்ணனாகவும் தொடர்ந்திட்டாய் !
நண்பனாகவும் இருந்திட்டாய் -நல்ல 
ஒரு ஆலோசகராகவும் கண்டித்திட்டாய் !
அன்பு -அடக்கம் -அமைதி -இவைகளின் 
இருப்பிடமே !
பன்பு -பாசம் -பந்தம் -இவைகளின் 
பிறப்பிடமே !
உண்மை -உழைப்பு -உறுதி இவைகளின் 
உறைவிடமே !
நம்பிக்கை -நல்லெண்ணம் -நட்பு இவைகளின் 
புகலிடமே !
இந்த சிறப்புகளையெல்லாம் தாண்டி -
இன்றுவரை இருந்த இடத்திற்கு 
நீ காட்டிய விசுவாசம் தான் -
உன்னை உயர்த்தி காட்டுகிறது -பணி ஓய்வின் 
பிரிவு உண்மையில் எங்களை வாட்டுகிறது 

பாரம்பரியமிக்க பாளை NFPE இன் 
செயலராய் இருந்தவன் நீ -இயக்கம் 
சந்தித்த சோதனையான நாட்களிலும் 
சந்தேகத்திற்கு இடமின்றி துணை நின்றவன் நீ !
ஒரு மாநாட்டில் நடைபெற்ற தேர்தலில் -நீ 
பெற்ற வாக்குகளின் வித்தியாசம் 
புதிய சரித்திரத்தை எழுதி சென்றது 
அதன்பிறகுதானே -நம்மை எதிர்த்து 
போட்டி என்பதும் இல்லாமல் போனது !

பொதுவாக சொல்வதுண்டு --ஒருவரது  ஓய்வுக்கு 
பிறகு பெரிய வெற்றிடம் ஏற்பட்டது என்று --இது 
ஒப்புக்காக மற்றவர்களுக்கு சொல்வது -
ஒத்துக்கொள்கிறோம் -உன் பணி  ஓய்வில் தான் 
உண்மையான அர்த்தம் தெரிகிறது 
உன் இடத்தை நிரப்பவும் ஆள் இல்லை -
உனக்கு நிகர் இனி இங்கு  யாரும்  இல்லை !

பழுதான பொருளையெல்லாம் 
உயிர்பித்தவன் நீ -
தேறாது என எரிந்ததை கூட -தேடி பிடித்து 
தேற்றியவன் நீ 
பழைய விலைக்கு என ஒதுக்கியதைக்கூட 
பராமரித்து பளிச்சிட செய்தவன் நீ 
அலுவலகத்தை ஒளிர வைத்தாய் -அனைவரின் 
அன்றாட எதிர்பார்ப்புகளை தீர்த்து வைத்தாய் 

அந்தோணி சாமி 
அஞ்சலகத்திற்கு கிடைத்த ஒரு அதிசய சக்தி  
ஆண்டவன் நமக்காக கொடுத்த அபூர்வ வரம் 
விலைமதிப்பில்லா பொக்கிஷம் -எவரும் 
விலைபேச முயற்சிக்காத அதிசயம் 
உன்போன்ற விசுவாசமிக்க 
தோழர்களின் காற்றில்தான் 
இந்த இயக்கத்தின் சுவாசம் 
இன்னும்  கலங்காமல் இருக்கிறது 
கலப்படமில்லாமல் சிரிக்கிறது 
வாழ்க அண்ணா !
           தோழமையுடன் SK .ஜேக்கப் ராஜ்